كيــــــف اوصــف أحسـاسي ؟؟؟
--------------------------------------------------------------------------------
انا كيف اوصف احساسي وفرحـــة قلبي الليـله
اكيد احساس مو عادي وفرحـــه غير عاديـــه
انا قلبي من الفرحه تكـــاد الارض ماتشيلـــه
تضيق الارض طول وعرض من من زود الوله فيه
خفوقي ذاب من شوقـه ودمعي هاضني سيلـــه
ورود الشوق فاحت بي وفاح العطـــــر بيديه
على ليل الفـــرح دايم قصيدي مسرج خيـــله
قليل الشـــعر لو بهدي وحتى عمري شـــويه
كتبت احلـــى عباراتي وفي صدري غلا اشيلـه
عظيم الشـــوق ناداني وجيته هاوي الجيـــه
عزفت اعذب مواويلي وشيلوهـــا معي شيلـه
ابي اسمـع غطـــاريفك تعم الدار يابنيـــه
دعاني ليل خـــلاني وجيت اشعل قناديلـــه
ضويت من الولع شمعي واخذت من القمر ضيه
هلا ومية هلا باللي حضر واعيد واثنـــي له
هلا باللي يشـــرفنا حضوره ياهلا ميـــه
حقيقـــه قدركم عالي ولابوصل مواصيلـه
لكم وسط الحشا قيمه ابد ماهي طبيعـــيه
الاياصفوة اخواني والاياســـيد العليلــه
ابارك لك من اعماقي وقلبي صادق النيــه
ترى من فرحتك كلً ملا بالدمع منديلــه
ملكت قلـــــوبنا والله وذبنا فيك حنيه
شعورك في لقا شمسه من الخاطر اهني له
اهنيـــك ياولد فيها واهنيــها بعد هيه
عطاك الله من فضله ذهب يافارسً جيــله
الا سبحان من معطيك شمس وكلهــا فيه
أنا ماقد خبرت الشمس تظهر يوم في ليلـه
ولكني اشوف اليوم شمس الليل مضــويه
موضوع: كيف اوصف احساسي ؟؟؟؟ 
الأحد أغسطس 12, 2007 2:33 pm
