احلى الابوذيات العراقية اتمنى تعجبكم
................................................
أرياكي شما ردت تحله تمر بيك
ويعثك الشيص حسبالي تمر بيك
أجدامي النوب لو رادت تمر بيك
أكصصهن وأكصص حتى اديه
.................................................
نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحية
..................................................
عجب مامر عزيز الروح بس لاح
رماني وردت ارد السهم بس لاح
لجيبك لو تصير اليوم بسلاح
وتداوي جروح علاتي الخفيّه
....................................................
حبيبي اكل فلافل ونته باجه
شوكت تكعد كبالي ونتباجه
ولك بسمار كلبي ونته بجه
وبساميرك عوج ردهن بديه
.....................................................
وكع قلبي بغرامك ماتشيله
وجرح شوك البيه ماتشيله
اخابر وانت تسمع ماتشيله
ولك هالروح ماتحمل اذيه
.....................................................
البشر لو مات كلبه ماتشوفه
وضمير الناس جنه مات اشوفه
عسن عين اللي حكلهه ما تشوفه
عمه اسود صابهه لحد المنيه
.....................................................
يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه
....................................................
انت الكلب والروح مالك
صرت كلي الك ياترف مالك
تصد عني وتدير الوجه مالك
تعذبني وتحملني الأذية
....................................................
اريد الدنيا تصفى وياي بس يوم
واشوفك ياكحيل العين بس يوم
تنوح امي عليه وصحت بس يوم
الذنب ذنب الحبيب قاسي عليه
..................................................
يكلبي بيش اخيطنك والحماك
يجيك الهضم من دمك ولحماك
ولاواحد شكف دونك ولا حماك
شما اسوي اهم عدوان اليه
...................................................
عينه
ياربي لو نخاك العبد عينه
وسيعه وماتحب الكحل عينه
رفع طرف العباية وشفت عينه
شفت ميزان ونجوم وثرية
...................................................
حبيبي بيا بخت وياي شديت
وعدا هجرك الي شقدمت شديت
بأصبعك حتى تذكر خيط شديت
انحسر دمك ولا فكرت بيه
...................................................
حياالله الانبار وحيالله الوردها
وحياالله كلمن سعى بانقاذها وردها
وهي تنطي كلمن يجي لديارها وردها
وتكلة كل الهلا اگعدلك شوية
....................................................
وحك ارموشك الحلوه...وعينك
انا بالشده واكفلك...وعينك
لون بيدي لنصبنك...وعينك
ملك تحكم على كل البريه
...................................................
شجاهه الروح عافت من...وصلها
اظل ارسل واخابر من...وصلها
تظل النفس طيبه من...اصلها
انا الممنون لليسال عليه
....................................................
انا بجفي وتد بالكاع دكيت
ولا دكت نذل بالناس دكيت
بعدني ماطحت وانت طبول دكيت
شد وصلة وأركص عليه
.....................................................
زمجر والوكت عبس وشربيه
حلف بالمرتضى جده وشاربه
وكال الجيش اغسلنه واشر بيه
وخل ولد الولد يحجون بيه
......................................................
تموت الروح يا صاحب بعدكم
وريح المسج ما فاحت بعدكم
ترى يالعزيز شما طال بعدكم
تضل وسط الكلب غالي عليه
......................................................
نحيل الجسم من بعدك تراني
واريدك دوم بعيونك تراني
افكر بيك كل ساعه تراني
افكربيك والبعد يصعب عليه
..............................مع تحيات عذاب الحب.............................
موضوع: احلى الابوذيات العراقية - ابوذية وام ذية ههههههههههههه 
الأربعاء فبراير 20, 2008 5:52 am